تعلمت من الحياة

تعلمت من الحياة:
لن ينكسر قارب الحياة على صخرة اليأس مادام هناك مجداف اسمه الأمل.

Thursday, 30 October 2008

أمثال فلسطينية ـ ٢


أكل الهدية و كسر الزبدية

إن عاشرت عاشر أمير، و إن إلبست إلبس حرير، و إن عيروك بشي يكون يحرز التعيير

آخر العنقود سكر معقود

إن كبر إبنك خاويه

إجا مين يعرفك يا بلوط

بيحرق حارة ليولع سيجارة

بيتعلم البيطرة بحمير النوَر

أكثر من الهم ع القلب

كل فوله مسوسه إلها كيّال إعور

إجو ليحدوا الخيل، مد الفار رجله

إضحك بعِبك

إطعم التم تستحي العين

أهل الميت صبروا، و المعزيات كفروا

أوعد اليهودي بالكفن، بيموت

آخر الزمر طوط

آخر الدوا الكي

بتقول له: ثور، بقول: احلبوه

بدل الرز و الباذنجان، إكسي حالك يا عريان

إبنه على كتفه، و بيفتش عليه

بده عرس يرقص فيه

بدها عزا تشبع فيه لط

بدي إياه، و تفوه عليه

بزمان الخير ما غنينا يا ليل

بعد ما شاب ودوه ع الكتاب

البيت ضيق، و الحمار رفاص

بطيختين بإيد ما بينحملوش


يتبع ....

3 comments:

LioneSS said...

آخر العنقود سكر معقود

شكرا
:shy:

:D

لأ جد زمان عن هالامثال او بالاصح عن الحكي الفلسطيني
الغربه عم بتنسينا كتير شغلات عن هويتنا
حلوة انك عم بتزكرني فيها

يسلموا ايديك الله يقويك
:give:

Saleh said...

شكراً على المرور الكريم و التشجيع، أنا متأكد إنه هالأمثال موجودة في اللكتب و على الإنترنت، بس ما عرفت أندل على مكان واحد جامع كل الأمثال، أنا حابب أجمعهم هون بالأساس علشان أتذكرهم دائماً.

بالمناسبة و أنا صغير كانت الأمثال تلخبطني و كنت أشوفها مش منطقية، فمثلاً ستّي الله يرحمها مرة حكتلي: "إجو ليحدوا الخيل، مد الفار رجله"، طبعاً ما افهمت و لا حاجة و ما اعرفت شو الرابط العجيب بين الخيل و الفار، و الأهم أنا شو دخلني في هالموضوع!؟

نورنياتي said...

t7sheeeeeeeeeeeeeeesh
3jbni ta3t alba6ee5
w 2ked m3 allhjeh
loooooool
:yai