تعلمت من الحياة

تعلمت من الحياة:
لن ينكسر قارب الحياة على صخرة اليأس مادام هناك مجداف اسمه الأمل.

Thursday 20 November 2008

أمثال فلسطينية ـ ٤

رافق المسعد تسعد

رزق الهبل ع المجانين

ركوب و ركبتك و كمان تهز رجليك

زاد الطين بلة

زبال و شاكل له ورده

زرعنا اللوز طلع بقدونس

الزمار بيعرف دار الطبال

زمن غريب بيخلي القطة تشخر للديب

زوّج الفقيرة للفقير بيكتروا الشحّاتين

زي أباريق الجامع كل واحد شكل

زي الفراشة بتحوم حول السراج تاتنحرق

ساعه لقلبك و ساعه لربك

ساير العيار لباب الدار

شافت الخنفسه بنتها ع الحيط قالت الها: يسلملي بياضك ع سواد الحيط

شحاد و مشارط

شم ولاتذوق

شَمّام هوا وقطّاف ورد

الشهر اللي ما إلكش معاش فيه ليش تعد أيامه

شو أحلى من العسل؟ قال: الخل ببلاش

شو فهم الحمير بأكل الزنجبيل

شو هيّة لحسة حلاوة؟

شو دخّلك بيت عدوك؟ قال: حبيب قلبي جواته

صارت عظامه مكاحل و مصارينه حبال

الصباح رباح

صباحه بيقطع الرزق

صوته ملعلع للسما

ضربني و بكى و سبقني و إشتكى

طبني طبتك العافيه


يتبع ....

2 comments:

LioneSS said...

شو هاد يا صالح جد تحشيش
:D
مين وين بتجيبهم

:shy: هادول طقع او بمصطلح اخر طئع

زبال و شاكل له ورده
صوته ملعلع للسما

:D

:D لأ و يتبع كمان

Saleh said...

شو بيعرفني هالفلسطينية من وين كاينين يجيبوا هالحكي...

آه يتبع... جاهزين بس بدهم شووية رتوش
:D


لاهريكو منهم... بس صبرك علي
:-)