تعلمت من الحياة

تعلمت من الحياة:
لن ينكسر قارب الحياة على صخرة اليأس مادام هناك مجداف اسمه الأمل.

Friday, 11 July 2008

رسائل البريد الإلكتروني

أول مرة بدي أكتب حاجة هون من وحي تجربة شخصية... يعني مش ملطوش!

حابب أعرف الناس بيجيهم كم رسالة إلكترونية باليوم أو بالشهر، أنا حالياً تمكنت من السيطرة علي عدد الرسائل بالحد من إرسالها (تطنيش الناس يعني) و الحد من إعطاء عنواني للناس، و كمان بطلت أسجل في منتديات و ما شابه، و عملت أكم من عنوان في الهوتميل و ما شابه لاستقبال الكثير من الزبالة هناك لاضطراري في بعض الأحيان إعطاء عنوان بريد الكتروني،
فنزل معدل الرسائل اليومي عندي من معدل ١٥٠ رسالة باليوم إلى حوالي ٤٠ باستثناء الرسائل التي تصل إلى العناوين الثانوية و التي عادة ما أتجاهلها.

طبعا البركة أيضاً في مرشحات الرسائل الإلكترونية التي تمنع الكثير من زبالة البريد الإلكتروني من الوصول.

المهم اليوم طلبوا منا بالشغل أن كل واحد يزيد عدد الرسائل المخزنة في صندوق البريد الوارد عنده عن ٥٠٠٠ رسالة أن يقوم بعملية تنظيف و ترتيب لإنزال العدد إلى ما دون ذلك الرقم، السؤال: من عنده ما يزيد عن ١٤٠٠٠ رسالة ماذا يعمل!؟

طبعاً راح أشطب بعض الرسائل الكبيرة و بعض الرسائل الأخرى التي تبدو من عنوان الموضوع غير مهمة و بس، يعني يمكن أشطب أبو ٥٠٠ رسالة و اللي مش عاجبه يروح يبلط البحر (و إذا ما بده يبلط البحر... الله يستر!)

و أعتذر لنفسي أولاً و لأي قارئ آخر عن الكلام في موضوع شخصي و تافه

1 comment:

nmroodeh said...

لا تافه ولا ما يحزنون يخوي
والله انك صادق

بتعرف بس تجيبو سيرة الايميل بتذكروني اشيك ايميلي..بطلت زي اول اشيكه كل يوم..هلا ما ندر..وبرجع بلاقي فوق 100 رسالة مش مقروئة
ودعايات وهبل

هلا فتحت الميل... طلع فيه 1486 رسالة مش مقروءة
ولا اشي صح
وكل يوم بزيدو
:retard:

اسمع دامك نازل بحملة التشطيب وبهمة عالية... اعطيك الباسوورد وتشطب الي عندي كمان
خخخخخخخخخخ