تعلمت من الحياة

تعلمت من الحياة:
لن ينكسر قارب الحياة على صخرة اليأس مادام هناك مجداف اسمه الأمل.

Tuesday, 2 June 2009

نكت قصيرة ـ١

محشش قالوا له: "شو رأيك في الزواج المبكر؟" قال: "يعني أي ساعه؟"
ــــــــــ
شلة دخلت على المطعم تزغرد ليش؟ عشان بدهم يطلبوا عرايس.
ــــــــــ
واحد اشترى موبايل حكى لأخوه: "اكتبلي مسج انت خطك احلى من خطي."
ــــــــــ
ولد سأل أبوه: "يابا الحمير بتجوّزوا؟!" قلّه أبوه: "ليش في حدا غيرهم بتجوّز يابا!!"
ــــــــــ
واحد قالوا له: "بكرة عيد الحب." قال: "شو هالورطة!!! و هاي كيف صلاتها."
ــــــــــ
واحد دعا ربنا 15 سنة يرزقه ولد، آخر شي أجاه وحي بالمنام بيقوله: "ولك اتجوز.."
ــــــــــ
مرة واحد بيسألوه: "شو أصعب موقف مر عليك؟" فقال: "العبدلي!"
ــــــــــ
قطيع ذئاب هاربين من طفايلة، سألوا حمار: "ليش هارب معنا؟" قال: "شو بده يقنع الطفايلة إني حمار؟!"
ــــــــــ
مرة كركي طخ واحد طفيلي. سألوه الشرطة: "شو اسمك؟" بقول: "ما بدي افتخر، سجل فاعل خير."

(مع الإعتذار من الطفايلة و الكركية)
ــــــــــ

19 comments:

Saleh said...

غبرة... بعرف

sfo said...

ومع هاظ كل ما أسمع تبعت العرايس
بفقع ظحك
خصوصاً لما أقعد أتخيل بهالمنظر

Um Omar said...

لوووووووووووووول
شفيق,, تاعت العريس فطستني ظحك
:woooooooooooooooops:

sfo said...

عرايس
يا إم عمر
مش عريس

Um Omar said...

سوعال وجيه
والحكي للسامعين

ولا تهوني إم عمر
صب القهوه عمو صال صال


شفيق,, انا حكتلك بكرهك اليوم
:sad:

وانا بضحك طبعت الرد
ف شو بتتوقع يطلع مني
:ag:p

Saleh said...

شامم ريحة طوشة هون...

أم عمر، عندك إياه ما تسكتيله

sfo said...

إم عمر
ليش في كمشة نسوان داخلات على مطعم
وحاملات معهن بندقة وزرادية؟
:صفيرة:

صالح
إنتِ من إيمتى بتصف مع الحريم
(:

Um Omar said...

عمو صال صال,,, جيب الخردق تاعك,, والباروده وتعا تعا
:yai::yai:
صارلي اكتر من شهر ما اطلق الرصاص على حدن
:k:
حرفين

Um Omar said...

شفيق حكتلك غلط بطبعي
بطبعي
:mob:


بلاقيش عندك كمشه هيل ت اعمل كاسه شاي
:shy:

اه ارجع اعصب,, تراني معصبه هــه
:k:

Saleh said...

له يا حج شفيق، معقولة أعمل هيك شغلة.



أم عمر، زارع شتلة ميرمية (و في رواية أصح: شِجّيرِة)، أحسن من الهيل

Um Omar said...

اصلاتن الميراميه بس تصير شجيره
بتعطي طعم مش ولابد
لازم تظلك تقطفها قبل ما تهيج وتكبر ع الفاظي
بتصير ريحه بلا طعم


شكرن للإضافه إستازه مازنه القبج
:shy:

Saleh said...

شكرن للإضافة إستازة مازنة عبدالحميد

Um Omar said...

طبعن المعلومه اللي حكيتها
بجد,, مش تخويت
:k:

Saleh said...

الجزء الأول مش صحيح، يمكن يكون صحيح عندكو إنتو أهل المدن (و شو عرفكم أساساً بزراعة الشجيرة)، بس عندنا هالكلام مش صحيح.

الجزء الثاني مزبوط، طيابة الشجيرة و هي طرية

Um Omar said...

عمو انا فلاحه
وف المزرعه زارعين ميراميه
وبحكي عن تجربه مش عن فراغ
:shy:

Saleh said...

و النعم و الله

Um Omar said...

افهم من هيك إني افحمتك
:-o:

Saleh said...

شيء من هذا القبيل.

شو أفحمتك ما أفحمتك، الفحم مضر بالبيئة، أجا الوقت تفكروا بالطاقة الشمسية

Um Omar said...

الفحم مفيد في صنع الكمامات ف الحروب
:spfera: