تعلمت من الحياة

تعلمت من الحياة:
لن ينكسر قارب الحياة على صخرة اليأس مادام هناك مجداف اسمه الأمل.

Saturday, 2 October 2010

ملاحظة من الأبناء الى الآباء

لقد ربيتونا على قصص عالمية مشهورة مثل ليلى و الذئب و سنو وايت و روبن هود و طرزان و سندريلا، لكن:
  • ليلى ما كانت ترد على إمها، و بتعمل إللي براسها.
  • بيضاءالثلج كانت ساكنة مع 7 شباب.
  •  روبن هود كان حرامي.
  • طرزان بيتمشى مزلّط.
  • و سندريلا للساعة 12:00 بالليل و هي دايرة بالشوارع .

طيب... إذا هاي القصص إللي ربيتوناعليها، ليش مستغربين إنه جيلنا طلع صايع!؟

5 comments:

Whisper said...

ههههههه
بصراحه..... عندهم وجهه نظر الشباب :)

UmmOmar said...

إسمحلي اخالفك بالرأي
جيلنا احسن بترليون مره من هالجيل اللي جاي

ع الأقليه كنا ناخد العبره من القصه,, مش نعمل زيها
هلأ بياخدو الحذافير الحذافير,, وقدوتهم ستيفن سجال,, ومش عارفه شو اسمائهم

بعترف إنه جيلنا ,, اسوء من جيل الستينات والسبعينات,, بس بضل احسن من الجيل الجاي

Finalway said...

والله وجهة نظر .. لكن هاي يمكن تكون الحبكة علشان نحرم نعيدها ...

بس جيلنا الحمد لله احسن من هالجيل الصاعد الي رح يحررها ... و يخرب بيت ابو ابوها ...

فللمقارنة و العدل ... يا ما احلى ايامنا مقارنة مع هلأ...

بس والله ضحكت من قلبي لما قرأتها ...

sozan said...

هاي اول زياره لمدونتك عجبتي الفكره لكن انا بانظر لهاي القصص بعين تانيه يعني عمري ما فكرت فيها بالطريقه هاي
اول شي ليلى دفعت ثمن انها ما سمعت كلام امها وكان النتيجه انها تعلمت درس سنووايت كانت مضطره لتهرب لحياتها لانها كانت مهدده بالقتل
اما سندريلا كانت تحت ظلم وفي الاخير تجازت على انها كنت منيحه مع الحيوانات
اما فكرة الجيل الصايع فهي فكره متداوله كل جيل بيحكيها للجيل الجاي

naysan said...

معاهم حق الشباب:)))
والحق علينا ...طيب ليش ما نحكي لهم قصص من تراثنا وتاريخنا ؟؟؟
كليله ودمنه ...من شو بتشكي؟
وللا نوادر جحا؟او حتى الجاحظ مثلاً؟