طمنوا ستي إم عطا
للشاعر تميم البرغوثي
طمّنوا ستي إم عطا بإنه القضية . . . من زمان المندوب وهي زي ما هية
لسّـة بنفاصل القناصـل عليهـا . . . زي مـا بتفاصلي مع الغجـريـة
لكـن اطّمني وصلنـا معـاهــم . . . بين ستة، و ستة و نص في الميـة
بطلع لهم يا ستي حيفـا و يافا . . . و إلنا خرفيشة وسيسعـة بريــة
وإلنا دولة يحرسها طير السنونو . . . يا ام عطا ولبسوه رتب عسكرية
والسنونـو إله نمـو اقتصـادي . . . و السنونو إله خطـط أمنيـة
والسنونو عم ينبذ العنف ويعلن . . . إلتزامه الكامل بالاتفاقية
وإلنا برضه يا ستي سجادة حمرا . . . تالسنونو يأدي عليها التحية
وإلنا قمة يدعو إليها السنونو . . . يعقدوها في الجامعة العربية
حيوا برج الحمام و حيوا حمامـه . . . من ملوك المحبة و الأخـويـة
يا حمام البروج و يا موالينا . . . يا دوا الجرح و يا شفا البردية
يا شداد الخطـر على أعادينـا . . . وحُبكو إلنا حب قيس للعامرية
راح أقول اللي قالوا طوقان قبلي . . . أخو فدوى وابن الأصول الزكية
في يدينـا بقيـة مـن بــلادٍ . . . فاستريحوا كي لا تضيع البقية
للشاعر تميم البرغوثي
طمّنوا ستي إم عطا بإنه القضية . . . من زمان المندوب وهي زي ما هية
لسّـة بنفاصل القناصـل عليهـا . . . زي مـا بتفاصلي مع الغجـريـة
لكـن اطّمني وصلنـا معـاهــم . . . بين ستة، و ستة و نص في الميـة
بطلع لهم يا ستي حيفـا و يافا . . . و إلنا خرفيشة وسيسعـة بريــة
وإلنا دولة يحرسها طير السنونو . . . يا ام عطا ولبسوه رتب عسكرية
والسنونـو إله نمـو اقتصـادي . . . و السنونو إله خطـط أمنيـة
والسنونو عم ينبذ العنف ويعلن . . . إلتزامه الكامل بالاتفاقية
وإلنا برضه يا ستي سجادة حمرا . . . تالسنونو يأدي عليها التحية
وإلنا قمة يدعو إليها السنونو . . . يعقدوها في الجامعة العربية
حيوا برج الحمام و حيوا حمامـه . . . من ملوك المحبة و الأخـويـة
يا حمام البروج و يا موالينا . . . يا دوا الجرح و يا شفا البردية
يا شداد الخطـر على أعادينـا . . . وحُبكو إلنا حب قيس للعامرية
راح أقول اللي قالوا طوقان قبلي . . . أخو فدوى وابن الأصول الزكية
في يدينـا بقيـة مـن بــلادٍ . . . فاستريحوا كي لا تضيع البقية
3 comments:
لا حبيت قصيدة جداتنا
يا الله هديك مافي أروع منها
متزكره شفت الحفله يلي عملوها
اعتقد كانت في رام الله
بس كان لازم شفت وجوه الناس
إنو
اه عم بحكي عن امي
وبنت وجهها بحكي اه هاي ستي
ممممم
لازم تقرأها
هاي ما بعرفها... ابعتيلي رابط لإلها
ما لقيت إلا على اليوتيوب
بس إزا بدك بفتش على النص
http://www.youtube.com/watch?v=gS_OV59fiNE&feature=related
Post a Comment