تعلمت من الحياة

تعلمت من الحياة:
لن ينكسر قارب الحياة على صخرة اليأس مادام هناك مجداف اسمه الأمل.

Wednesday 15 December 2010

العرب و السياسة الدولية

من قال أن العرب لا يؤثرون في السياسة الدولية!؟ لقد اتضح أن فتاة مغربية لم تتجاوز السابعة عشر من العمر استطاعت أن تهز الحياة السياسية في إيطاليا و كادت تطيح برئيس وزراء إيطاليا، و لكن للأسف لم تكن مواهب هذه الفتاة كافية، ففاز رئيس الوزراء بنتيجة ٣١٤ مقابل ٣١١.

ياللا بسيطة يا ست روبي خيرها بغيرها، و لسه العمر قدامك طويل و إن شاء الله المرة الجاية بتزبط .

و هاي صورة البطلة القومية روبي للي ما بيعرفها:

8 comments:

yosef said...

عزيزي صالح
مساء الخير
والله انا مش عارف انتَ زعلان على مين؟؟؟
على برليسكوني ..ما اعتقدش ؟؟
واضح انه روبي هيّ اللي مزعلتك
!!!!!
ههههههههه

بس برضو بريلسكوني عنده نظر
وبيعرف يقرأ التاريخ والجغرافيا صح

بكفي شو بدي احكي اكثر
ما ضل الا اقلك اللي ينفسي
بحلف انه بريلسكوني في شرش عربيّ

Moh'd Jarrar. said...

فرصة نعملها تمثال على دوّار الواحة
:wooops:

Saleh said...

له له يا يوسف باشا، هيك إنجازات قومية بتثلج الصدر، و إللي بيزعل منها ما بيكون وطني غيور على إنجازات أبناء الوطن العربي الكبير.

هو من جهة إنه بريلسكوني عنده نظر، صحيح عنده نظر بس الأهم عنده مصاري و نفوذ، و إلا شو رأيك؟

جزيل الشكر على المرور الكريم و التعليق

Saleh said...

أبو زينة (الله يخليلك إياها): هاي فكرة منيحة، و بنطلب دعم مادي و معنوي من برلسكوني و ما ظنيته يرفض

يعني بنكسب هالطلة و ببلاش

شكراً على المرور الكريم

Rain said...

بس شو بدنا بالحكي
shagfeh










:sc:

Saleh said...

@Rain

:-)

w7l said...

بس بلا اقتراح تمثال على دوار الواحة مش ناقصنا ازمة

بس يا صالح باشا هو بريلسكوني خلا حدا و ما سلم من الهبل تبعو ، اي عيب على هيك شعب يوصلو هيك زلمة ، الزلمة دواوين من الاخر شو بدو بشغلة هالرئاسة كلها يروح يعمل مطعم بيتزا و تحتو مقر لعصابة اشرفلو

Saleh said...

له يا دكتور، خلي الشباب تنبسط
;-)

و بعدي هو برلسكوني ناقصه مطاعم بيتزا و إلا مقرات عصابة، ما هو قالب إيطاليا بحالها مقر لعصاباته

:-)

منورة الدكانة بوجودك يا دكتور، شكرا